‏‏‏‏ حضرت ابوہریرہ رضی اللہ عنہ سے روایت ہے کہ

رسول اللہ صلی اللہ علیہ وآلہ وسلم نے فرمایا

آج کے دن تم میں سے کون روزہ دار ہے؟

حضرت ابوبکر رضی اللہ عنہ نے کہا: میں

پھر آپ صلی اللہ علیہ وآلہ وسلم نے فرمایا:

آج کے دن تم میں سے کون جنازے کے ساتھ گیا؟

حضرت ابوبکر رضی اللہ عنہ نے کہا: میں۔

آپ صلی اللہ علیہ وآلہ وسلم نے فرمایا:

آج کے دن تم میں سے کس نے مسکین کو کھاناکھلایا؟

حضرت ابوبکر رضی اللہ عنہ نے کہا: میں نے

آپ صلی اللہ علیہ وآلہ وسلم نے فرمایا:

آج کے دن تم میں سے کس نے بیمار کی پرسش کی یعنی عیادت کی؟

حضرت ابوبکر رضی اللہ عنہ نے کہا: میں نے

آپ صلی اللہ علیہ وآلہ وسلم نے فرمایا

جس میں یہ سب باتیں جمع ہوں وہ جنت میں جائے گا

جنت و جہنم کا بیان

حضرت عبداللہ بن عمر رضی اللہ عنہ سے روایت ہے کہ

 رسول اللہ صلی اللہ علیہ وسلم نے فرمایا

جب اہل جنت جنت میں چلے جائیں گے اور اہل دوزخ دوزخ میں چلے جائیں گے

 تو موت کو لایا جائے گا اور اسے جنت اور دوزخ کے درمیان رکھ کر ذبح کر دیا جائے گا۔

 پھر ایک آواز دینے والا آواز دے گا کہ اے جنت والو!

 تمہیں اب موت نہیں آئے گی

اور اے دوزخ والو!

 تمہیں بھی اب موت نہیں آئے گی۔

اس بات سے جنتی اور زیادہ خوش ہو جائیں گے

 اور جہنمی اور زیادہ غمگین ہو جائیں گے

مسلمان کےمسلمان پرحقوق

حضرت ابوہریرہ رضی اللہ عنہ سےروایت ہےکہ

 رسول اللہ صلی اللہ علیہ وآلہ وسلم نے فرمایا:

ایک مسلمان کےدوسرے مسلمان پر پانچ حقوق ہیں:

1۔سلام کا جواب دینا

2۔دعوت قبول کرنا

3۔جنازوں کے پیچھے چلنا

4۔مریض کی بیمار پرسی کرنا

5۔اورچھینکنے والے کی چھینک کا جوب دینا، بشرطیکہ وہ (اَلْحَمْدُ لِلّٰهِ) کہے

متفق علیہ

قرآنِ پاک میں انسانی نفس کی تین اقسام کا ذکرآیاہے۔
1۔ نفس امارہ: یہ نفس انسان کو برائیوں پر ابھارتا اور آمادہ کرتا ہے۔اس کا ذکر قرآن پاک کی سورۃ یوسف آیت نمبر 53 میں آیا ہے۔

وَمَا أُبَرِّئُ نَفْسِي إِنَّ النَّفْسَ لَأَمَّارَةٌ بِالسُّوءِ إِلَّا مَا رَحِمَ رَبِّي إِنَّ رَبِّي غَفُورٌ رَحِيمٌ

میں اپنے نفس کی پاکیزگی بیان نہیں کرتا۔ بیشک نفس تو برائی پر ابھارنے واﻻ ہی ہے، مگر یہ کہ میرا پروردگار ہی اپنا رحم کرے، یقیناً میرا پالنے واﻻ بڑی بخشش کرنے واﻻ اور بہت مہربانی فرمانے واﻻ ہے 

2۔ نفس لوامہ: یہ نفس انسان کو گناہ اور برائی ہو جانے پر ملامت کرتا ہے۔ ۔ اس کا ذکر قرآن پاک کی سورۃ القیامہ آیت نمبر 2 میں آیا ہے۔

وَلَا أُقْسِمُ بِالنَّفْسِ اللَّوَّامَةِ

اور قسم کھاتا ہوں اس نفس کی جو ملامت کرنے واﻻ ہو 

3۔نفس مطمئنہ: ۔یہ انسان کو اطاعت الہی میں مطمئن رکھتا ہے اور خواہشات کی کشمش اور گناہوں کے خطرات سے دور رکھتا ہے۔

 اس کا ذکر قرآن پاک کی سورۃ الفجر آیت نمبر 27  میں آیا ہے۔

 يَا أَيَّتُهَا النَّفْسُ الْمُطْمَئِنَّةُ

 اے اطمینان والی روح .

یہ نفس کی اعلی ترین قسم ہے۔ قیامت کے دن اطمینان والی روح سے کہا جائے گا کہ تو اپنے رب کی طرف لوٹ آ، اس حال میں کہ تو راضی ہے، پسند کی ہوئی ہے۔  پس میرے ( خاص) بندوں میں داخل ہو جا۔ اور میری جنت میں داخل ہو جا ۔